طبعا خلال الأيام القادمه سيستقبل كل منا مئات الرسائل التي تندد بما فعله بابا الفاتيكان و تلعن و تسب النصاري و اليهود الأعداء
و لكن دعونا لا نتصف بنفس الغباء الذي نتصف به جميعا كل مره
ألسنا نحن أعداء أنفسنا و أول من يستحق أن يوضع في قائمه الأعداء
ألسنا نحن من نقف أمام كل صوت ينادي بالعوده للدين
ألسنا نحن من نتابع ليل نهار أخبار الفنانين و الأغنيه كذا و الفلم الرائع و الممثل الوسيم و الممثله الصاروخيه و كذا و كذا
ألسنا نحن من نضع نماذج من أمثال إقبال بركه و نوال السعداوي و هاله سرحان و إيناس الدغيدي ( لهم جميعا من الله ما يستحقون ) فوق رؤوسنا بل و نحترمهم و نقدسهم
إحنا و اللا حد تاني
ألسنا نحن أنا و أنت و أنتي من سنصتف أمام التليفزيون بعد أيام لمتابعه مسلسلات رمضان
إحنا و اللا حد تاني
مش إحنا برده اللي لما تامر كان بيتحاكم (طبعا عشان هرب من الجيش يعني مش حاجه وحشه) رحنا عملنا مظاهرات
مش إحنا اللي قاعدين علي البلاجات نقول عايزين نحارب (علي فكره اللي عايزين يحاربوا بجد أكيد مش قاعدين علي البلاج)
يا جماعه ياريت كل واحد يقوم يبص في المرايا و يسأل نفسه هو أنا عملت إيه لديني
و لا إحنا هنفضل عايشين كده عاله و ناس هايفه مش حاسين باللي حوالينا
يا ريت كل بنت بتنزل من بيتها مش محجبه تكون عارفه إنها أول واحد أساءت للدين و تعمل حساب كام ولد هيفتتن بيها
يا ريت كل واحد ماشي في الشارع قبل ما يبص علي بنت يفتكر دينه و أخته و أمه و أهله اللي هو ميحبش حد يبصلهم
يا بنات الولد اللي النهارده بيقلك بحبك إسأليه ترضي أختك تكون مكاني لو قلك لأ يبقي عرفتي قيمتك عنده و لو قالك أه يبقي عرفتي قيمته بين الرجاله
و أنه زي ما رضيها لأخته هيرضاها ليكي في يوم من الأيام
بلاش نضحك علي روحنا و نلوم باب الفاتيكان قبل ما كل واحد يسأل نفسه عملت إيه للإسلام
رمضان جاي و مش محتاج أقولكوا يعني إيه رمضان
رمضان يعني عتقاء من النار كل ليله
رمضان يعني ربنا أمر بفتح أبوب الجنه (عارفين الجنه... مالا عين رأت و لا أذن سمعت و لا خطر علي قلب بشر)
رمضان يعني الشياطين مصفده (ملكش حجه لو بتذنب يبقي من نفسك)
رمضان يعني شهر البركات و المغفره (مش شهر الأكل و الكعك و اللبس)
رمضان يعني الفقراء محتاجينكم يعني إيدنا في إيد بعض يا مسلمين
رمضان رمضان رمضان
أوعوا نقضيه فرجه علي المسلسلات